Nieuws Archives - Pagina 2 van 5

Aafscheid Vorst Jan Stroek

23 november 2017

Op vastelaovendjdieënsdig 2017 hieët vastelaovendjveêrendj Wieërt massaal aafscheid genoeëme van Vorst Jan.

Names de optochtdaelnemers, kapélle en hermeni-je woôrt ’n plaquette aan ’t Rogstaekersmonumênt aan Vorst Jan aangeboeëje. Dieës plaquette, ontwôrpe en vervaardigdj doeër Diana Keulen-van der Linden symobisieërtj Vorst Jan vuuërtreffelike: De groeëte toêt di-j Jan altiêd geblaoze hieët en woeë dejjae ‘m inne tówkomst weer met zöltj tieëge kaome. De scheûnkes staeke d’r ónger uut en de Vorstesteek troeëntj boeëve te toêt uut.

Vervolges kóste de minse de Vorst persuuënlik bedânke tiêdes ’t Lindeboom Fieëst oppe Mêrrentj. Verschillendje zöstervereiniginge, bevrîndje SLV-vereiniginge en neteûrlik de Wieërter vastelaovendjveerders trókke oeëver ’t podium van Vorst Jan.

’n Absoluut hoeëgtepeûnt woor de serenade van de super-kapél. Ónger leiding van Tjeu Snoek begóste 6 muzikânte te spuuële, woeënao de oeëverige Wieërter kapélle via de Koeëremêrrentj de Mêrrentj optrokke. Vorst Jan heêl ’t neet druuëg mer ouch Slivvenhieër mós ‘n träönke laote.

Vuuëraafgaondj aan de abdicâsie woor ‘n delegâsie van ’t SLV-besteur presênt um Vorst Jan te beneûme tot “Ieërelid van SLV” vör al zien verdeênste vör de Wieërter en Limburgse vastelaovendj.

Tiêdes ’n emotionele abdicâsie zónge Monique Knapen en Ronald Moonen ’n prachtige aubade vör Vorst Jan en daonao woor ’t aan Ieëre Vorst Ton, Opper-Opper-Rogstaeker Börgemeister Heijmans en Kanseleer Stefan um Vorst Jan te ontdoon van z’n teikene van waerdigheid. Heejmej kwoom ’n indj aan 12 jaor Vorst Jan Stroek.

Tot slot woôrt ‘oeëze Jan’ doeër Kanseleer Stefan, names Stadsvastelaovendjvereiniging de Rogstaekers, beneûmdj tot Ieëre Vorst.

Milva’s & Laatblujjers winnen Hei-j Up priês 2017

28 februari 2017

Milva’s & Laatblujjers winnen Hei-j Up Priees 2017.

Met als motto: “’t Es fris aan dae ris” werd de groep winnaar met 128 punten.

Tweede werdmet 126 punten de groep Bâwclub Wieërters Echte met als motto: “Gae zöltj ‘t mer mej make”.

Op de derde plaats met 125 punten de groep VV Gein Idee met als motto: “Krante Jonges”.

Aod Preens Harry I Meeuwissen Groeët Offeseer in de orde van de Rog

20 februari 2017

Op zaoterdig 18 fibberwari és Harry I Meeuwissen beneûmdj tot “Groeët Offeseer in de Orde van de Rog”.
Harry I woor Rogstaekerspreens in 1990 en és daonao 11 jaor lid gewaesj van VV de Rogstaekers.

Tiêdes zien lidmaatschap hieët Harry zich met name ingezatte vör groeëte projecte wi-j bevuuërbieëldj de realisâsie van de Rogstaekershal aane Stekshofweg.
Ouch wi-j dette nao 11 jaor vóng det hae plaats mós make vör anger mînse di-j de vereiniging koste deêne leêt hae de vereiniging neet komplieët aan heur lot oeëver.
Beej evenemênte as bevuuërbieëldj de Gulden Humor koste vae ’n beroep op ‘m doon. En as Harry aan ’t roer stieët kujje d’r van opaan detj good kûmtj. Hae weit minse um zich haer te verzamele en te enthousiasmieëre um ’t beste uut eurzelf boeëve te hale. Hae es zakelik, fair en amabel.
Ouch beej ’t senaat és hae as Prizzedênt/vuuërzitter ‘ne verbîngendje factor zoeëwaal binne ’t senaat as tösse ’t senaat en de vereiniging.

Medaâlie vanne Kuuëning vör Aod Preens Jan VI Stroek (1989)

29 januari 2017

Tiêdes de léste Boonte Aovendj op zaoterdig 21 jannewari kriêg oeës aller Vorst Jan van Börgemeister Jos Heijmans de verseêrsele uutgereiktj, behuuërendje beej de óngerscheiding Lid in de Orde van Oranje-Nassau.

Jan Stroek woor in 1989 stadspreens en troeëj in 1994 tów as lid van Stadsvastelaovendjvereiniging “De Rogstaekers”. Hae woor ónger ângere lid van de kemmissie Algemein en vuuërzitter vanne kemmissie FOS (Fieëst oppe Straot). In 2003 woôrt hae vuuërgedrage as vuuërzitter van VV de Rogstaekers. Met algemein stumme woôrt dit vuuërstél aangenoeëme. Inne aafgeloûpe twelf jaor heêl hae zich bieëzig met ‘t beleid en ‘t vuuërbereide en vuuërzitte van de besteurs- en ledevergaderinge. Naeve besteurs- en kemmissietake és d’n hieër Stroek ouch vertieëgewoeërdiger in verschillendje stichtinge. Zoeëwi-j vuuërzitter Stichting Rogstaekers Beheer en vuuërzitter Stichting Steunfonds Cultuurbehoud.

Sins november 2005 és hae lid vanne Raod van Elf. Heejbeej vertieëgewoeërdigtj en prizzentieërtj hae de vereiniging beej bezeûke aan collega-vereiniginge di-j zeen aangesloeëte beej de bónd van Samenwerkende Limburgse Vastenaovendjvereiniginge. Vorst Jan Stroek haaj ‘n groeët aandael inne organisâsie van de Gulden Humor in 1996 en in 2010, ‘t Limburgs Vastelaovendj Lidjeskonkoer in 1998, ‘t groeët jubileumfieëst beej gelaegenheid van ‘t 7 x 11 jaorig bestaon in 2003 en ý 8 x 11 jaorig bestaon in 2014.

Samenwerkende Limburgse Vastenaovendjvereiniginge
Sins 2004 és d’n hieër Stroek besteurslid van de Samenwerkende Limburgse Vastenaovendjvereiniginge (SLV). De SLV bestieët uut 17 Limburgse vastelaovendjvereiniginge en hieët tot doel ‘t in stând haoje en bevordere van vastelaovendj in Limburg. Heejdoeër levertj de SLV ‘n beejdraag aan ‘t cultureel en maatschappelik laeve in Limburg.

Vanaaf 1976 és Jan lid van meziekgezelschap de Vâlse Loef. Boete ‘t vastelaovendjsezoen verzörgtj ‘t gezelschap op gehieël vreejwillige basis optraejes beej bevuuërbieëldj de Unicef Loop, activiteite van PSW (Pedagogisch Sociaal Werk) en in verzörgingshoêze. Van 1990 tot 2005 woor Aod Preens Jan VI vuuërzitter vanne Aod Preense Club.

Rogstaekersprins 2017, Maurice 1e Houben

15 januari 2017

Foto’s: Loes Mennen Fotografie

Op zaoterdig 14 jannewari jl. és, aansloêtendj aan de Gala Boonte Aovendj in ‘t Munttheater, Maurice Houben uutgeroôpe tot 73^e Stadspreens van Wieërt.

De 44-jaorige Preens Maurice I és geboeëre en getoeëge oppe Regentesselaan op Kieëntj as zoeën van Bert Houben en Toos Schreurs. Hae és ‘ne kleinzoeën van Teng Houben van de Gebreûrs Houben van ónger ângere Keffee de Waag. Vör de wat mieër belaege laezer, det keffee loôg vreûger as dejjae vanne stad uut de stâsietunnel doeër gingtj en d’r dan recht tieëge’n’aan. Hae és ‘ne achterkleinzoeën van Stroeëj Doeërus Houben.

Hae woeëntj same met Wendy Vleeshouwers, ’n dochter van Bert Vleeshouwers en Toos Aspers van Bosseve, aan de Kêrkstraot 167 in Wieërt, in ’t aod hoês van meister Huub van den Bosch, zaliger.

De nowwe Hoeëgheid wêrkdje as postboeëj en woor ruuëm 12 jaor eigenaar van ‘House of Billiards’ in de Smieëtspassage. Sins 2 jannewari jl. és hae wêrkzaam beej de Sligro in Wieërt woeë hae verântwoeërdelik és vör de wiên- en gedistillieërdjaafdaeling.

Op sommige daag és Preens Maurice I geine onverdeênstelik poolbiljaarder, zoeë woôr hae aafgeloûpe jaor Nederlands kampioen beej de 40-plussers. Daonaeve és uutaete ‘ne groeëte hobby, van friettênt tot sterrerestaurânt; Maurice geneêtj d’rvan.

Minse plaoge, soms op of zjuust oeëver ‘t réndje, Preens Maurice vingtj ‘t prachtig. Hae és dus ‘ne échte ‘Jênser’.

Met V.V. de Jênsers deût Maurice al 25 jaor mej aan de Groeëte Rogstaekersoptocht. En neet onverdeênstelik want zeûj wonne al 2 kieër de Knouwelpriês en woôrte al ‘s 4^een 3^e inne optocht. In 2015 woôrt waal de Knouwelpriês binnegehaaldj, mer pakdje ze met heûr “Kiloknallers” zjuust naeve de Gouwe Rog en woôrte 2^e inne optocht.

As échte ‘Jênser’ hieët Rogstaekerspreens Maurice I de

‘orde van de Jênser’

ingestéldj.

Z’n devies vör de kaomendje waeke:

MAAKTJ LÔL, PLEZEER EN LACHTJ MINSE

MIEËR KÂN ICH MICH AS PREENS NEET WÎNSE

Aod Preens Peter I van Wegberg beneûmdj tot ieërelid van de Rogstaekers

24 december 2016

Peter van Wegberg woor in 1988 Rogstaekerspreens en woor lid van 1989 wis 2008. Diverse kemissies hieët hae moôge deêne vuuër hae, as Kanseleer lid woôrt van ’t besteur. Wi-j in 2003 Vorst Ton aaftroeëj noôm Peter, tiêdelik as Kanseleer, ’t vuuërzitterschap oeëver. ‘ne Tiêd woeë in de Poort van Limburg tow ging en ’t Paviljoen oeëpe. Wis in 2005 Vorst Jan woôrt geïnstallieërdj weês Kanseleer Peter de vereiniging de wieëg. Ouch daonao bleêf hae înkel jaore, as Kanseleer, aane zi-j van Vorst Jan actief vör de vereiniging. Ouch vör Peter és ’n groeëte waardieëring óngerstreeptj met de beneûming tot ieërelid.

Aod Preens Twan I Schoenmaekers overleden

28 oktober 2016

bron foto’s en artikel uit Weert Magazine: Midden-Limburg Actueel

Op 19 oktober 2016 is Aod Preens Twan I Schoenmaekers op 95-jarige leeftijd overleden.

TwanI was de oudste in leven zijnde Aod Preens van de Rogstaekers.

In 1957 ging hij de Rogstaekerinnekes en Rogstaekers voor in de Vastelaovundj onder zijn devies:

“Wi-j langer, wi-j baeter”

Zijn medaille was in de orde van “Ut staole raempke”

Hieronder een artikel uit “Weert Magazine”

“Hij was de oudste nog levende prins van de Rogstaekers. In 1957 ging hij de Weerter carnavalvierders voor. Met een muts die hij zelf gekocht had en een mantel die door Klaartje van Riet uit de Hoogstraat genaaid was. “We hadden een fantastische optocht”, zei hij in een interview in het magazine ‘Met ons. In Weert.’, uitgave december 2013. “Het zag zwart van het volk. Er stonden wel 100.000 kijkers langs de straten. Voor het eerst stond de Weerter vastenavond in de Telegraaf. Daar had Stan Smeets voor gezorgd.” De Hoogstraat bouwde de prinsenwagen in de vorm van een olifant. “Ze wilden me eigenlijk op een levende olifant zetten, maar het lukte niet om er een te krijgen.”

Weerter vastenavond

Twan roemt de Weerter vastenavond en optocht en kan er in geuren en kleuren over vertellen. Al in 1926 stond hij al op een carnavalswagen van vv de Groeëtmoele van de Maaspoort. “De Weerter vastenavond is een goed georganiseerde, gezellige vastenavond, waar veel Weertenaren keihard voor werken. Chapeau voor hen! Daar kunnen ze in Maastricht niet aan tippen”, vindt hij. “In Weert vieren we vastenavond zonder onderscheid des persoons, arm en rijk samen, op een fatsoenlijke manier. ” Twan weet nog dat de toenmalige deken Omloo hem en de Weertenaren in 1957 vanaf de preekstoel complimenteerde met de ‘fatsoenlijk verlopen vastenavond, zonder enige wanklank of ruzies’. “Dat was een groot compliment voor iedereen. En zo vieren we het nog steeds.”

Met het overlijden van Twan is één van de meest markante Weertenaren heengegaan.”

Bron: Midden-Limburg Actueel

Groot officier in de orde van de Rog voor Aod Preens Ton III Cornelissen

18 februari 2016

Anton, wie kent hem niet.
Prins Ton III in 1976, 21 jaar lid van Stadsvastelaovundj vereniging De Rogstaekers in diverse functies en gestopt in 1998 en lid van verdienste geworden.
In 1999 is Anton op verzoek jurylid geworden van de grote Rogstaekersoptocht tot en met 2016.
Na zoveel jaren heeft Anton aangegeven hiermee te stoppen.
Totaal 40 jaar in dienst van De Rogstaekers.
Na al deze verdiensten is een waardig afscheid van Anton op zijn plaats en is hij daarom onlangs onderscheiden in Groot Officier in de orde van de Rog.