De Driesveldlaan és in de tachtiger jaore van de vuuërige ieëw aangelagdj as now verbeenging tösse ’t centrum en Wieërt-Zuid. De aanlégk van dieës laan woord muuëgelik nao de sloop van de alleminiumfebriek Platinal (later Artola geneumdj) en de verplaatsing en sloop van de drökkeri-j van de Kuuëningklikke Smeets Offset.
Op de hook van de Wilhelminasingel en de Driesveldlaan stieët ‘t now stadhoês van Wieërt, det in juni 2014 officieel és geoeëpendj.
Tieëgenoëver ‘t stadhoês ligtj de plevuus van aod-preens Lennart I Stultiens en aod-jeugdpreens Rick I van Lierop (2014). De kaomende jaore zulle d’r nog mieër plevuûze van aod-preense waere gelagdj in de Driesveldlaan, Parallelwieëg en Stationsstraot.
